Det Norske Teatret

"Det Norske Teatret er ein nasjonal scenekunstinstitusjon med ei modig og stolt motkulturell historie, og har sidan starten i 1913 vakse fram som ein av dei viktigaste og mest særeigne teaterorganisasjonar i Norden. Teatret spelar på nynorsk og dialekt i eit breitt repertoar, som òg omfattar musikkteater, og har jamt svært høge publikumstal. Det Norske Teatret ligg sentralt i hovudstaden i eit moderne teaterbygg frå 1985 med 3 faste scenar, i tillegg til kaféscenen Bikuben, og med ein nyopna restaurant integrert i foajeområdet. Gjennom moderne repertoartenking, dyktige scenekunstnarar og ein medviten språkpolitikk, ønskjer vi å ligge i framkant av scenekunstutviklinga. I møtet med det nye Noreg skal vi ha ei medviten haldning til å spegle samfunnet rundt oss og tilby eit mangfald av uttrykk og opplevingar. Dette let seg kort oppsummere i vårt ambisiøse visjon: Vi skal ta med oss fortida inn i notida til eit modig møte med framtida."

Fra teatrets nettsider